Te Manatā me te Whakakāhore Mō Te Āhurutanga

Te Whakakāhore

Mō tēnei paetukutuku, e kore a NZQA e noho haepapa i raro i te ture e hāngai mai ana mō te pakarūtanga, mō ngā wharanga hoki nā (tae atu ki, engari kāore e herea ki) te takanga, te hē, te whakarere, te whatinga, te ngoikoretanga, te whakaroa o te whakahaerenga o te tukunga, te wheori rorohiko, te whatinga o te aho tuku whakapāpātanga, te whanako, te whakapakarūtanga rānei, te urutomo, te whakarerekētanga rānei o tēnei paetukutuku.

Kāore a NZQA i te noho haepapa mō ngā kōrero, ngā raraunga o ngā paetukutuku e honoa mai ana.

Te Whakawhitinga

Kei runga i te Āhurutanga ngā tohu mātauranga katoa kua whakaūngia te kounga. Kei te whakahoungia tonutia ngā tohu mātauranga kia rite ai ki ngā paearu katoa o te Āhurutanga, ā, ka oti tēnei ā te Pipiri 2006. Kei te mahi ngātahi ngā QAB me ngā kaihanga tohu mātauranga kia hua ai, ka whakaūngia te kounga o ngā tohu mātauranga hou i runga anō i ngā paearu o te Āhurutanga.

Mēnā he pātai āu e pā ana ki tētahi tohu mātauranga, me whakapā atu ki te Kaihanga Tohu Mātauranga.

Te Manatā

Kei te Mana Tohu Mātauranga te manatā mō ngā kōrero me ngā raraunga katoa o ēnei whārangi i te tau 2003. E kore e whakaaetia te tā, te kape rānei i ētahi o ngā wāhanga, te katoa rānei hāunga ko ngā wāhi e whai ake ana:

Ka taea e koe ngā kōrero me ngā raraunga te tono ki ētahi tāngata takitahi nei hei whakamōhio noa iho i a rātau. Engari kia tuhia e koe ko te paetukutuku o NZQA te takenga mai o aua kōrero, ā, kia whai wāhi atu hoki te wāhi noho o te paetukutuku (http://www.nzqa.govt.nz). Kia whakamōhio hoki koe i ētahi atu tāngata, ka pā anō hoki ēnei whakaritenga ki a rātau.

Ehara te whakamananga i te whakaaetanga kia whakamahia ētahi, te katoa rānei o ngā kōrero mō tētahi atu mahi, tānga rānei ki te kore a NZQA e whakaae ā-tuhi i te tuatahi. E kore tētahi wāhanga o te paetukutuku o NZQA e tohaina ai, e whakaahuatia ai rānei mō tētahi kaupapa mahi moni, ki te kore e whakaaetia i te tuatahi.

Kei a NZQA te manatā mō ngā tohu mātauranga ā-motu me ngā paerewa me ngā paerewa paetae. Ka pupuri ngā kaihanga tohu mātauranga i te manatā mō ngā tohu mātauranga o Aotearoa, engari kia wātea tonu ēnei tohu mātauranga i runga anō i ngā "Paearu Rēhitatanga Whānui". Ka pupuri tonu ngā kaihanga o ētahi atu tohu mātauranga i te manatā mō ngā tohu mātauranga ka oti i a rātau te whanake.

Ko te wāhi hei tono reta e pā ana ki te manatā:

Te Kaiwhakahaere Matua
PO Box 160
Te Whanganui ā-Tara
Aotearoa.