Te Paearu o te Āhurutanga
Ko te tikanga o te whakauru i te paearu o Te Āhurutanga ki roto i ngā tohu mātauranga katoa o Aotearoa kua whakaūngia te kounga:
- e ōrite ana te whakaū i te kounga o ngā tohu mātauranga
- ka āhei ngā kaitono te whakatairite tohu mātauranga
- ka āhei te tangata te āta whiriwhiri ko tēhea te ara tohu mātauranga e tika ana mōna
Ko te pātengi raraunga o Te Āhurutanga (e wātea ana mā te whakamahi i te pātene 'rapunga') e pupuri ana:
- ko te taitara o te tohu mātauranga, e rite ana ki ētahi atu tohu mātauranga kei runga i Te Āhurutanga
- ko te kaupae kua rēhitatia te tohu mātauranga i runga i Te Āhurutanga (1 - 10)
- ko te tauākī whāinga o te tohu mātauranga
- ko ngā whakaritenga whiwhinga o te tohu mātauranga (e 120 ngā whiwhinga e rite ana ki te kotahi tau o te ako);
- ko te whakarōpūtanga o te kaupapa ako
- ko ngā kōrero katoa e pā ana ki te kaihanga tohu mātauranga\kaituku mātauranga.
Kei roto i Te Āhurutanga ngā tohu Mātauranga kua rēhitatia i te Taura Here Tohu Mātauranga o Aotearoa (NQF)
Me kimi whakaaetanga ngā kaihanga o ngā tohu mātauranga kāore i runga i te NQF mai i te rōpū whakaū kounga e tika ana, ā, kia rite anō hoki te tohu mātauranga ki
ngā whakamāramatanga ā-tohu mātauranga e rārangitia ana i konei.