Ngā Rōpū Whakaū Kounga
Ko ngā Rōpū Whakaū Kounga (ngā QAB) ka noho haepapa mō te whakaaetanga o ngā tohu mātauranga o Aotearoa me te kounga o te tukunga o aua tohu mātauranga. Ko ēnei rōpū:
- ko te Mana Tohu Mātauranga o Aotearoa (NZQA), ka whakaae i ngā tohu paetahi, paerua hoki i waho i ngā whare wānanga me ngā tohu paetahi, paerua hoki i runga ake i te kaupae 7 mō ngā kuratini, ngā tohu mātauranga ā-motu katoa me ngā tohu mātauranga e tukua ana e ngā whare whakangungu tūmataiti me ngā wānanga.
- ko te Komiti mō ngā Hōtaka Mātauranga Whare Wānanga (CUAP) o te Komiti Whare Wānanga o ngā Kaiwhakahaere Matua e whakaae ana i ngā tohu mātauranga whare wānanga katoa.
- ko te Mana Kounga ā-Pūtahi Hangarau, ā-Kuratini (ITPQ) o ngā Whare Takiura o Aotearoa, e whakaae ana i ngā tohu mātauranga (kaupae 7, i raro iho hoki), i raro i te maru o NZQA.
Te whiriwhiri akoranga, tohu mātauranga rānei
I Aotearoa nei e āhei ana koe ki te whakauru mō ngā akoranga me ngā tohu mātauranga mai i te huinga whānui o ngā kaituku mātauranga me ngā whakahaere. Me pēhea koe e mōhio ai, he kounga te whakangungu, te mātauranga rānei?
Kei te pae tukutuku o NZQA e whakamāramatia ana ngā āhuatanga me āta kimi koe i a koe e whiriwhiri ana i te akoranga, i te tohu mātauranga rānei - e hāngai pū ana ki te whare whakangungu tūmataiti. Ko ngā kupu "rēhitatanga", "whakamanatanga" me te "whakaae akoranga" e whakamāramatia ana hoki.
Mō ngā kaituku mātauranga e hiahia ana ki te rēhitatanga, ki te whakamanatanga hoki/rānei, ka āta whakamāramatia te rēhitatanga, whakamanatanga hoki.