Te Tauākī o ngā Hua
Ka taea e ngā tauākī hua te whakaatu i te māramatanga me te arotahi mō te whakawhanake tohu. Ko te whakawhanake i ngā hua mō tētahi tohu he whakamōhio, he ārahi hoki i te whanaketanga o ngā kai o te kaupapa, me ngā hātepe mō te whakaako, mō te ako me te aromatawai. Ko te whakarato i te tauākī hua tohu, he tuku whakaaro ki ngā ākonga me ngā kaitukumahi āmua mō ngā whāinga i tutuki i te kaipupuri tohu i te otinga o te tohu.
Ko te tauākī hua mō tētahi tohu he whakamārama i te kaipupuri tohu mō ngā mea e tika ana i tutuki i a ia. Ko te tauākī hua he whakamārama he aha te tohu, arā, mō te whakamahitanga i ngā mōhio, i ngā māramatanga, i ngā pūkenga me ngā waiaro, ā, he tauākī mahi e whakamahi ana i ngā kupu mahi pēnei i te mōhio, mārama, mahi, hanga, wānanga, aromatawai, whakahaere. Ehara i te tauākī mō ngā kai o roto.
Me hāngai te tauākī hua ki ngā mātāpono e whai ake:
- Me tino hāngai tūturu te kōrero
- Whakapai ake i te māramatanga mō te tohu mā te tōtika, me te āta whakamārama i ngā whakatutukitanga
- Kia whai wāhi ki ngā whakatauritenga tika me ētahi atu tohu
- Te whakaata i te taumata o te tohu, mā te hono ki ngā whakamāramatanga taumata me ngā tohu whakamārama e hāngai ana
- Ka taea te whakatutuki
Kia whai tikanga, ko ngā tauākī hua me:
- Whakaata i te kaupapa o te tohu, ā, kia kaua e tārua tōna whakahua
- Whakatau i ngā whakatutukitanga akoranga e tūmanakohia ana, e ai ki te whamahitanga o ngā mōhio, māramatanga, pūkenga me ngā waiaro (kōrero paetahi)
- Tautuhi i ngā huarahi tērā pea ka taea e te tohu
- Whakapuaki i ētahi mahi e taea ana e te kaipupuri tohu (mēnā e tika ana)
Mō ia tohu mātauranga kei runga i Te Āhurutanga he tauākī hua. Ka tae atu tēnei ki:
- ngā kaupapa o te tohu mātauranga e pā ana ki te whakamahinga o te mātauranga, te māramatanga, ngā pūkenga me ngā waiaro; me
- ngā wāhanga o te tohu mātauranga, inā kōwhiria ai, ka kitea te whānuitanga o te tohu mātauranga.