Tūmomo o te whakahaere
Ko te whakahaere he rōpū, kaituku mātauranga rānei ka āhei te āwhina i a koe ki te whiwhi tohu mātauranga - arā ko ngā rōpū e tuku ana i ngā ratonga mātauranga, i ngā ratonga whakangungu hoki/rānei, i ngā ratonga aromatawai hoki/rānei. I tēnei paetukutuku ka āhei koe te rapu i ngā momo whakahaere e whai ake nei.
Ki te rapu i tētahi kaituku mātauranga i tētahi rohe, me haere koe ki te wāhanga Rapua ngā Kaituku Mātauranga o te paetukutuku a NZQA .| Ngā whare whakangungu kāwanatanga | Ngā whakahaere a te Karauna (atu i ngā whakahaere mātauranga) ka tuku i ngā ratonga mātauranga, whakangungu, aromatawai rānei, hei tauira ko te tauā moana me te Papa Atawhai. E mōhiotia whānuitia ana hei GTE. |
| Ngā rōpū whakangungu ahumahi | He rōpū kua whakaaetia i raro i te Ture Whakangungu Ahumahi 1992, e noho haepapa ana mō te whakatakoto paerewa me te whakarite whakangungu ahumahi mō taua rāngai. E mōhiotia whānuitia ana hei ITO. Tirohia Tertiary Education Commission/Te Amorangi Mātauranga Matua mō te rārangi o ngā ITO katoa kua rēhitatia. |
|
Ngā kuratini/ngā whakahaere hangarau |
Ka tuku i te mātauranga toi, ā-mahi, ngaio hoki.
Ka whakatairanga hoki i te rangahau, e hāngai pū ana ki te rangahau whakahāngai, me te rangahau hangarau e āwhina ana i te whanaketanga. |
| Ngā whare whakangungu tūmataiti |
Ko ngā rōpū tūmataiti e tuku ana i te mātauranga me te whakangungu (kāore nā te Karauna) kua rēhitatia me NZQA. E mōhiotia whānuitia ana hei PTE. |
| Ngā Whakaruruhau | He kupu whānui e pā ana ki ngā rōpū whakangungu ahumahi me ngā rōpū tuku whakamaherehere; e whakaae ana a NZQA ko ēnei rōpū he māngai tohunga e pā ana ki tētahi wāhi ako, ā, mā aua rōpū anō hei whakawhanake hei whakatū paerewa hoki mō ngā tohu mātauranga ā-motu. |
| Ngā whare wānanga | E waitohutia ana ki te tuku i te huinga whānui o ngā akoranga me te rangahau, arā, i te taumata teitei, e mau tonu ana, e whakaneke ana, e whakapāoho ana me te āwhina i te whakamahinga o te mātauranga, me te whakawhanake i te whakaaro motuhake. Tirohia Te Komiti Whare Wānanga o ngā Kaiwhakahaere Matua o Aotearoa. |
| Ngā Wānanga | He whakahaere e mōhiotia ana hei wānanga e te Karauna i runga i te Ture Whakatikatika i te Ture Mātauranga 1990, wāhanga 162. He whakahaere tuku akoranga me te rangahau e mau tonu ana, e whakaneke ana me te whakapāoho i te mātauranga; te whakawhanake i te whakaaro motuhake; me te āwhina i te whakamahinga o te mātauranga e pā ana ki ngā āhuatanga Māori (Māoritanga) i runga anō i ngā tikanga Māori. |