Ngā tohu mātauranga ā-motu, o Aotearoa hoki

• Ko ngā paearu e whai ake nei e pā ana ki te whakamahinga o ngā ingoa 'ā-motu' me 'Aotearoa' mō ngā tohu mātauranga i runga i te Āhurutanga.
  
  Ka herea ngā ingoa e rua mō ngā tohu mātauranga kua whakaaetia, kua whakawhanaketia rānei e ngā kaihanga tohu mātauranga, ka āhei te whakaatu i whai wāhi, ā, i tautoko hoki te rōpū ā-motu kua whakaaetia e hāngai mai ana ki te taitara o te kaupapa ako me ngā akoranga matua o te tohu mātauranga.
• Ka herea ēnei ingoa ki ngā momo tohu mātauranga e wātea ana kia tukua e ngā kaituku mātauranga, ki te whakaūngia te kounga i runga anō i ngā whakaritenga o te kaihanga tohu mātauranga me te rōpū whakaū kounga. Ka whai wāhi te kaihanga tohu mātauranga i ngā hātepe whakaōrite e pā ana ki te aromatawai i te tohu mātauranga huri noa i ētahi kaituku mātauranga.
• Ka herea te ingoa 'ā-motu' ki ngā tohu mātauranga ko ngā paerewa, ngā paerewa paetae rānei te pūtake, ngā tohu mātauranga rānei i aua tohu mātauranga he wāhanga ka taea ngā whiwhinga te whakawhiti. Ko te ingoa 'Aotearoa' e wātea ana mō ngā tohu mātauranga kāore e whai wāhi ngā paerewa, engari he mana huri noa i te motu.

Tāpiri atu ki ngā paearu kei runga, me noho mai ki ngā tohu mātauranga ā-motu ngā āhuatanga e whakaaetia ana i tāwāhi hei tohu mātauranga pai. Arā:

• kia mārama te kaupapa
• kia raupapa a-roto
• kia whakaae i ngā pūkenga kano whānui ka taea te whakawhiti me ngā pūkenga mātanga ā-ahumahi, ā-ngaio hoki.
• kia mārama ki hea kuhu atu ai ki hea puta atu ai i taua kaupapa mō ngā tauira
• kia hāngai ki ngā here o Te Tiriti o Waitangi
• kia āta whakahuatia ngā whakaritenga whakaū kounga e pā ana ki te tukunga me te whakatutukitanga (tae atu ki ngā whakaritenga tono pīra)
• kia tohu i te hononga o te tohu mātauranga ki ētahi atu
• kia mārama, kia pūataata hoki te tuhi o ngā paearu kei runga me ngā tauākī e whakarārangi ana i ngā whakaritenga me mātua tutuki i te kaitono kia whakawhiwhia ki te tohu mātauranga.

Kia kaua te tohu mātauranga e ārai i tētahi mahi ka taea e te tangata nā tō rātau tangatatanga, iwi, hauāutanga, te nui hoki o te utu.

Ko te tohu mātauranga ā-motu hou, ko te tohu o Aotearoa hou rānei, kia rerekē tonu i ētahi atu tohu mātauranga ā-motu, o Aotearoa rānei i taua kaupae anō, e pā ana ki ngā hua ka whakapūmautia.