Mō Te Āhurutanga
Ko KiwiQuals te kanohi tūmatanui o Te Āhurutanga, he pātengi raraunga o ngā Tohu Mātauranga katoa o Aotearoa kua whakaūngia te pai.
Mā KiwiQuals (i Hōngongoi 2003 te rā whakatū) koe e āhei ai te rapu kōrero e pā ana ki ngā tohu mātauranga kua whakaūngia te kounga (40 whiwhinga nui ake rānei) i Aotearoa.Te Āhurutanga
Kei te whakaaturia a Te Āhurutanga ki te taha i ngā kupu: New Zealand Register of Quality Assured Qualifications. I whakaaetia ko tēnei hei ingoa Māori ā-ariā, ā, ko tōna whakamāori ko te huihuinga o ētahi taura here, o ētahi wāhi, o ētahi tāngata, o ētahi ariā hoki hei hanga i te reo whakakotahi.
Te takenga mai
I te marama o Poutū-te-rangi 2001, i whakaaetia e te Poari o te Mana Tohu Mātauranga o Aotearoa (NZQA) te anga kaupapa here me ngā whakamārama ā-tohu mātauranga e pā ana ki te Āhurutanga. Ka taea te pukapuka kaupapa here katoa te titiro i konei.
Kei te tautokona Te Āhurutanga e ngā rōpu whakaū kounga o Aotearoa (ngā QAB): te Komiti Whare Wānanga o ngā Kaiwhakahaere Matua o Aotearoa, me ngā Whare Takiura o Aotearoa.
Ko ngā whāinga matua o Te Āhurutanga:
- he āta tautuhi i ngā tohu mātauranga katoa kua whakaūngia te kounga i Aotearoa nei
- te āta whakarite he whāinga, he hononga mō aua tohu mātauranga, kia mārama ai te hunga ākonga me ngā hapori
- te whakaū, te whakarei hoki i te āheinga o ngā ākonga ki te whakawhiti whiwhinga nā te whakatū pūnaha whiwhinga kotahi
- te whakawhānui me te whakapūmau i te whakaaetanga o ngā tohu mātauranga o Aotearoa i tāwāhi.
Kei roto i te Taura Here Mātauranga o Aotearoa (NQF), ngā paerewa me ngā paerewa paetae. Koia tonu te huinga roto matua mō Te Āhurutanga me ōna painga mō ngā akonga e pā ana ki te whakatakoto paerewa me te kohi whiwhinga.
Ko ngā paearu rēhitatanga he mea āta whakarite kia puta ai ēnei hua:
- ka ōrite te whakaū i te painga o ngā tohu mātauranga
- ka āhei ngā tāngata ki te whakatairite i ngā tohu mātauranga
- ka mārama ngā tāngata ki ngā huarahi tohu mātauranga e wātea ana, hei whiriwhiri mā rātau.
Ko ngā whakamāramatanga o ngā ingoa o ngā tohu mātauranga kua whakaaetia, e tautoko ana:
- i te whakatairitenga o ngā tohu mātauranga
- i te ngāwaritanga o te mātau ki ngā tohu mātauranga
- i te whakaaetanga o ngā tohu mātauranga huri noa i te Ao.
Te whakawhiti whiwhinga
Ko te whakawhiti whiwhinga he hātepe ka whai wāhi ai ngā whiwhinga kua tutuki ki tētahi atu tohu mātauranga hou. Kei runga tonu i tēnā tono, i tēnā tono a ngā kaituku mātauranga\kaihanga tohu mātauranga, hei whakaaetanga ōkawa rānei i waenga i ētahi kaituku mātauranga.
Mā te Āhurutanga e āhei koe te titiro, te whakatairite hoki i ngā tohu mātauranga katoa kua whakaūngia te kounga - ehara i te tikanga whakawhiti whiwhinga. Mō ētahi kōrero anō e pā ana ki te kaupapa here a te kaituku mātauranga mō te whakawhiti whiwhinga, whakapā atu ki te kaituku mātauranga. Kua whakaae ngā kaituku mātauranga ki te whakatū hātepe whakaae me te whakawhiti whiwhinga ōrite ā te Kohitātea 2004.Mō ētahi kōrero e pā ana ki te whakaae me te whakawhiti whiwhinga, tirohia te paetukutuku a NZQA.
Whakawhitinga
I te roanga o te wā, tērā pea ka whakatikahia ngā whakamāramatanga o ngā tohu.
Ko ngā wātaka o ngā whakawhitinga mō te tutuki ki ngā whakamāramatanga o ngā tohu kua whakatikahia, ka whiriwhirihia e te poari o NZQA.
I te nuinga o te wā, ka tutuki ēnei i roto i te wā e taea ai e tētahi tauira wā kikī te whakaoti i tērā momo tohu.
Ko ngā kaiwhakawhanake, kaiwhakarato tohu hoki me whakapā atu ki ngā rōpū whakaū kounga e tika ana, mō ētahi atu kōrero.