Te Pōkairua Tautara
He mea whakatakoto te Pōkairua Tautara hei whakawhānui, hei whakahōhonu hoki i te mātauranga me ngā pūkenga o te kaitono mā te tuku akoranga anō e pā ana ki te (ngā) kaupapa ako matua o te tohu mātauranga tōmua. Ka tukua he rangahau ā-pūnaha, raupapa hoki o te ia o ngā whakaaro me te rangahau e pā ana ki tētahi pekanga mātauranga, ā, ka whai wāhi pea he tohutohu i ngā tikanga rangahau ka hāngai mai.
Te Whakauru
Ko te kaitono mō te Pōkairua Tautara i tētahi kaupapa ako pū, ina tika ana rānei, he wāhi ako e hāngai mai ana, kua oti i a ia ngā whakaritenga o te Tohu Paetahi e hāngai mai ana. Ka whakaurua hoki e te kaituku mātauranga he tangata, kua oti i a ia ngā whakaritenga o te Tāhu Paetahi i tētahi kaupapa ako e hāngai mai ana, ka kiia rānei, he tangata kua mau i a ia ngā pūkenga me te mātauranga e hāngai mai ana i roto i āna mahi, i āna wheako ngaio rānei.
Ngā Hua
Ko te tangata kua puta i te hōtaka Pōkairua Tautara:
- ka āhei te whakauru ki roto i ngā akoranga māna anō hei whakahaere me te akoranga whatutoto
- ka whakaatu i te whakaaro motuhake, te kaha o te tātari, me te āheinga ki te mātau me te aromātai i te mātauranga me ngā whakaaro hou; ā
- ka whakaatu i te āheinga ki te kite i ngā kaupapa hou hei rangahau, hei whakatakoto mahere, whakahaere rangahau hoki māna, me te whakaatu i te āheinga ki te tātari tukunga iho me te whakapā hoki i ngā whakataunga ki tā ngā tohunga e pai ai.
Ngā whakaritenga whiwhinga
Mō te Pōkairua Tautara ko ngā whiwhinga 120 mai i te kaupae 7 me ngā kaupae o runga ake te itinga rawa, ā, ko ngā whiwhinga 72 te itinga rawa mai i te kaupae 8.
Te hononga ki ētahi atu tohu mātauranga
Ka taea te whakawhiwhi i te Pōkairua Tautara me te tohu inati. Ko tāna he whakatika i te kaitono mō te rangahau motuhake me te karahipi i te kaupapa ako matua o te pōkairua. Ko te tangata e pupuri ana i te Pōkairua Tautara, ka whakaurua mō tētahi Tohu Paerua, mō tētahi Tohu Kairangi rānei.