Te Pōkaitahi Paerua
Ka whai wāhi ngā whiwhinga mai i tētahi kaupapa ako pū ki te Pōkaitahi Paetahi, ā, inā tika ana, ngā wāhi akoranga e hāngai mai ana. Koia tonu hei whakaae ki te whanake ngaiotanga haere tonu ana i te wāhi akoranga o te tohu paetahi kua tutuki kē i te kaitono.
Ko tōna tikanga, kua oti i te kaitono ngā whakaritenga o te Tohu Paetahi, i ētahi wā motuhake pea, he Tohu Paetahi (Hōnore). Ko te Pōkaitahi Paerua he mea whakatakoto hei whakawhānui, hei whakahohonu hoki te mātauranga me ngā pūkenga o te kaitono mā te tohutohu ōkawa me te whakahāngai i te kimi mātauranga.
Te Whakauru
Ka hiahiatia he Tohu Paetahi i tētahi kaupapa ako e hāngai mai ana, he pūkenga me te mātauranga rānei ehāngai mai ana, i mau i te kaitono i a ia e mahi ana, i āna wheako ngaio.
Ngā Hua
Ko te tangata kua puta i te hōtaka Pōkaitahi Paerua:
- ka āhei te whiwhi me te aromatawai i te mātauranga, te tātari me te whakatau raruraru, te mahi me te ako motuhake;ā
- ka whakaatu i te whakaaro motuhake, te kaha o te tātari me te pai ki te whakawhitiwhiti kōrero
Ngā whakaritenga whiwhinga
E 40 whiwhinga i kaupae 8 te itinga rawa e hiahiatia ana mō te hōtaka e tae ai ki te Pōkaitahi Paerua.
Te hononga ki ētahi atu tohu mātauranga
Ko te Pōkaitahi Paerua te pūtake mō te akoranga paerua anō.