Te Tohu Paerua
Ko ngā tohu paerua he mea whakahaere ki roto i te raupapa kotahi, kaupapa pipiri ako rānei. Tērā pea ka whakahaerehia mā ngā akoranga, mā ngā rangahau rānei, ā, mā ngā mea e rua rānei.
I te nuinga o te wā ka whai haere ngā tohu paerua i ngā tohu paetahi, tohu paetahi hōnore, tohu tītohu paerua. Ka taea anō pea te whakauru mai i ngā tūmomo wheako ngaio e hāngai ana. Kei runga kēatu i ngā mahi ako paetahi, ā, me whakaware ngā ākonga ki te ngore, ki te rangahau rānei.Te whakauru
Ko ngā kaiwhakarato i ngā akoranga e ahu ana ki ngā tohu paerua e whai kawe ana ki te whakapūmau i ngā whakaritenga urunga. Ko te tohu urunga iti rawa mō tētahi tohu paerua 240 whiwhinga, he tohu paetahi, tētahi e ōrite rānei. Mō tētahi tohu paerua e iti ana ngā whiwhinga i te 240, i te nuinga o te wā ko te urunga iti rawa, he tohu paetahi hōnore, tohu tītohu paetahi rānei.
Mō te whakauru hei paetahi ki te tohu paerua he mea wānanga i runga i ngā pepa taunakitanga (ka whai wāhi te whakaaturanga mātauranga) i ngā kaha o te kaitono ki te whakatutuki i ngā akoranga paerua i roto i tētahi wāhanga mātanga pakirehua, i ngā mahi ngaio rānei. Me tutuki i te kaitono, mā ngā akoranga whai tikanga, mahi ngaio, ētahi atu wheako rānei, tētahi mōhiotanga hōhonu mō ngā kaupapa matua me te whakaatu anō i ōna hiahia mō ēnei, me te tuku māiatanga mō te ngore.
Ko te kaitono kei a ia tētahi tohu paetahi hōnore, tētahi tiwhikete, tītohu paerua rānei, tērā pea ka whakawāteahia mai i te katoa, i ētahi rānei o ngā kaupapa akoranga.Ngā hua
Ka taea e tētahi paetahi o tētahi kaupapa Tohu Paerua te:
- whakaatu taunakitanga mō ngā mōhiotanga hōhonu e pā ana ki tētahi wāhanga mātanga pakirehua, tētahi mahi ngaio rānei.
- whakaatu i te tohungatanga mō ngā kaupapa ariā mātanga
- wānanga me te wetewete i ngā kitenga me ngā kōrero i roto i ngā pukapuka e hāngai ana
- rangahau, tātari me te tautohe mai i ngā taunakitanga
- mahi wehe kēme te whakamahi i ngā mōhiotanga ki ngā āhuatanga hou
- te whakaware i roto i ngā tātari mātauranga pākaha, whakahēnga me te whakatika raru.
Mēnā kei roto i tētahi tohu paerua he wāhanga nui mō ngā rangahau whakahaere, nō reira ko ngā putanga o tēnā rangahau i te nuinga o te wā ka kōpakihia ki roto i te tuhinga whakapae, tuhinga roa, pepa rangahau nui, mahi auaha rānei.
Me tutuki te rangahau ki ngā whaiaro whaimana o te ao me te whakaatu anō o te paetahi i ōna kaha ki te whakaaro wehe kē.Ngā whakaritenga whiwhinga
Ko iti rawa mō te tohu paerua he 240 whiwhinga, haunga ki ērā kua 4 tau e akohia ana i roto i te tohu paetahi, piki atu rānei, i konei ka āhei kia iti ake i te 240 engari kia kaua e iti ake i te 120 whiwhinga.
Ko te tohu paerua me whai i ngā whiwhinga 40 te iti rawa i te kaupae 9 me te toenga ki te kaupae 8.Te hononga ki ētahi atu tohu mātauranga
Ko te tangata e pupuri ana i te Tohu Paerua, e mau ana tētahi wānanga nui mō te rangahau, tērā pea ka whakaarohia kia whakaurua ki tētahi hōtaka o te akoranga whakatutoto, o te rangahau taketake hoki/rānei e tae ai ki te Tohu Kairangi.