Pōkaitahi
Ka taea ngā pōkaitahi te whakamahi i roto i tētahi huinga whānui o ngā horopaki, puta noa i ngā kaupae katoa
tae atu ki te kaupae 7, ā, ko tōna tikanga hei whakatika i ngā kaitono mō te mahi, mō te mātauranga me te
whakangungu anō.
Ko ngā 'Pōkaitahi ā-motu' (ngā pōkaitahi kua whakamanatia hei whakamahi i te ingoa 'ā-motu') ka whakaae i
ngā pūkenga me ngā mātauranga e tutuki ai ngā paerewa ā-motu (ngā paerewa me ngā paerewa paetae).
E wātea ana ngā Pōkaitahi ā-motu i tētahi huinga whānui o ngā wāhi ako. Ka tae atu tēnei ki ngā Pōkaitahi ā-motu o te Taumata Mātauranga ā-motu Kua Taea (NCEA) taumata 1 - 3 (ngā tohu mātauranga matua o te kura tuarua) me ngā Pōkaitahi ā-motu e whakaae ana i te whakatutukitanga i roto i tētahi huinga whānui o ngā ahumahi me ngā kaupapa ako.
Ko ētahi Pokaitahi Whānui e whakaae ana ki ngā whiwhinga mai i ngā tohu mātauranga kāore i runga i te NQF i runga anō i ngā whakaritenga e pā ana ki ngā tohu mātauranga.
Ngā Whakaritenga Whiwhinga
Kia 40 whiwhinga te itinga rawa o te Pōkaitahi ā-motu mai i ngā kaupae 1-7.
Ko te kaupae o te pōkaitahi ka whakatauhia mā te titiro ki ngā whiwhinga o runga rawa, kātahi ka kaute whakamuri kia eke ki te 40 ngā whiwhinga. Ko te kaupae ka ekea ngā whiwhinga e 40, māna e whakatau te kaupae o te pōkaitahi.