Ngā Whiwhinga
Ka tohaina he whiwhinga ki ngā tohu mātauranga katoa kei runga i Te Āhurutanga. Ko aua whiwhinga e whakaatu ana i te roa o te wā e ako ana te ākonga: 1 whiwhinga = 10 hāora te wā ako.
Ki te whakatau tata i te nui o te wā o te ako me te aromatawai ('hāora ako ā-ariā') o tētahi tohu mātauranga, ka aromātai te kaihanga tohu mātauranga, te kaituku mātauranga rānei, i te roa o te wā ka tutuki tētahi tangata i ngā hua i roto i te horopaki kua tautuhitia. Mā tēnei e whakatau te nui o ngā whiwhinga mō tētahi tohu
Kei roto i ngā hāora ā-ariā
- te roa o te wā me ngā pouako me ngā kaiwhakangungu ('te akoranga ka whakahaeretia')
- te roa o te wā pau o te whakamātau me te whakaoti mahi aha atu ('te akoranga motuhake')
- te roa o te wā o te aromatawai.